لو حد عنده اتصال بحد هناك يقول له يمشي، ولا تلقوا بأيديكم الى التهلكة، اللي معاه اي سلاح حتى للرد قدام قوات الداخلية هيأذي نفسه، وبيعرض حياة اللي معاه من متظاهرين عزل للخطر. ايا كان بداية الاحداث والقاء اللوم على اي طرف او مين هايستفيد: فإن عدد القتلى كبير وواضح من الصور (كلها عن رويترز قبل قليل) ان في مواطنين مشتركين في المعركة، والشرطة بتضرب كمان، ومناصرو مرسي ايضا، ده جنون ان الناس تستمر مهما اعتقدوا في عدالة قضيتهم، في وقت لازم تنسحب حفظا للارواح وفي اختيار طرق كتير بديلة مش من بينها انكوا تعرضوا ارواح الناس للخطر بالشكل ده. في ناس بتتكلم عن عدد كبير من القتلى وفي تحويل للمصابين لمستشفيات خارج رابعة (لسبب او لاخر تم تحويلهم لرابعة تحديدا) كل ده بيقول لازم الناس تمشي كفاية دم بقى. عشان خاطر ايه ولا عشان خاطر مين ؟ في ميت طريقة غير تعريض نفسكم للخطر والداخلية بتضرب اي حد امبارح معارضي مرسي قبل عزله ودلوقتي انصاره. افهموا بقى.
ارجوكم احترموا الحق في الحياة. لو حد هناك او عنده كلمة تأثر على الناس يقول لهم ينسحبوا . تاني لا تلقوا بأيديكم إلى التهلكة.
