الجمعة، 25 مايو، 2012

مصر: جريمة تعذيب جديدة في قسم شرطة المحلة #Egypt (GC)


مطلوب دعم قانوني وتغطية اعلامية: "شاب اسمه ( على) نحلة تعرض للضرب والاهانة فى قسم أول المحلة بعد ما قال للضابط انا هاخد حقى بالقانون."
تحديث:الاحد27 مايو
ولليوم الثاني على التوالي تم تأجيل عرض الضحية على الطب الشرعي بطنطا
تم الاستماع لأقوال (علي نحلة) كمعتدى عليه في بلاغ منفصل أيضا  قدمه محامي الضحية  مع تقرير المستشفى الاميري الذي عرض عليه
تحديث: رغم أن النيابة أمرت بعرض الضحية على الطب الشرعي منذ الخامسة مساء الأحد20 مايو، لكنه سيعرض الآن (السبت26مايو) فقط، بعد قرار حبسه 4 أيام ثم عرضه واخلاء سبيله بكفالة
تحديث:للتواصل، أ:خالد محمد رؤوف، المحامي الذي حضر التحقيق مع "علي نحلة" الذي تعرض للتعذيب بقسم أول محلة، بانتظار عرضه على الطب الشرعي الآن 

 
 رواية الضحية "انا شاب عادى جدا وليس لى نشاط سياسي ولا انضم تحت قائمة اى حزب من الاحزاب المتواجدة على الساحة
بل انا شاب اعيش اليوم بيومه اعمل لاعول نفسى واسرتى ؛خريج سياحة وفنادق واتكلم 3لغات واشتغلت فى اكبر فنادق فى القاهرة وشرم الشيخ والغردقة ودهب .ليه يعملوا فىا كده لا انا صايع ولا بلطجى ولا تاجر مخدرات ولا سلاح ولا ليا فى حاجة مجرد شاب عادى ولا عمرى دخلت قسم وكل 6 شهور باخد من الشرطة ما يثبت انى مواطن مصرى محترم وليس على اى شبهة(لان شغلى بالسياحة يحتاج هذا المستند)(وهو ما يسمى بالفيش والتشبيه)يبقى ازاى فجأة بين يوم وليلة يهجموا على بيتى الفجر زى ما اكون قاتل قتيل ولا تاجر مخدرات ويرهبونى انا واهلى ويفتشوا البيت حته حته ويقلبوه على بعضةه ويكسروا فرشهوفى الاخر يقولوا لنا ما لقيناش حاجة طيب ما فيش اسف على القلق طبعا لا فغلطت وافتكرت انى انسان لى حقوق فقلت انا هاخد حقى بالقانون كنت نسيت نفسى ونسيت ان احنا فى مصر افتكرت ان فى تغيير بجد وانى هاعيش محترم بكرامتى بجد وان فى عدالة بجد وللاسف نسيت ان انا باعيش فى مصر المهم خدونى معاهم فى البوكس انا واخويا الكبير زى ما نكون حراميةورحنا القسم فالضابط بيقوللى عاوز تاخد حقك( يا ابن الم.....)قلت له امك مش احسن من امى انت اللى ابن(م.....)طلعت امه احسن من امهات المصريين كلهم طلعت كسبانة البيه المحروس فى كيس شيبسي والبيه الظابط اسمه( حازم حسام)ظابط مباحث قسم اول المحلة الكبرى فسيادته بعت لنا رجالته وبعدونى عن اخويا فى مكان تانى وبعتولى عدد كبير اكتر من 15 واحد تقريبا مش قادر بالظبط اللى انا عرفته بعد ما اخدت علقة موت ان فى واحد اسمه (ايمن) مش عارف مخبر ولا امين شرطة والتانى ضابط اسمه (خالد صقر) ضابط مباحث بقسم اول المحلة الكبرىوكان الظابط خالد بيقوللى وانا مرمى متكتف على الارض وفى اكتر من 50 واحد بيضربونى بالبنادق والجزم وهو بيضربنى بجزمته فى وشى شفت جزمتى( يا ابن المت)انظف من (..امك)وبعد العلقة المحترمة دى اتكتب لى انا واخويا قضية تمام ان احنا ضربناهم وعورناهم وبهدلناهم فى مكان شغلهم واتعرضنا على النيابة وتعاطف معانا وكيل النيابة وطلب لنا شاى وعصير وبعد كده حبسنا 4 ايام على ذمة التحقيق؛وسألنا ليه عملنا ايه؟قالوا لنا النيابة متضامنة مع الشرطة لاعادة الامن فى الشارع على اساس ان احنا خطر على الامن والشارع المهم اتعرضنا على القاضى حكم بالعدل ان احنا نرح لبيوتنا واهالينا لكن النيابة صعب عليها عدل ربنا يتحقق مع المحترمين فاستأنفت الحكم فرجعنا القسم واتعرضناعلى القاضى تانى فاخلى سبيلنا بكفالة 500 لكل واحد فيناوخرجنا ولحد دلوقتى احنا مش عارفين احنا دخلنا ليه كل اللى احنا عوزينه حد يفهمنا لو فهم حاجة ممكن نعمل ايه ؟؟؟؟؟؟؟؟؟؟؟؟؟؟
1-نبقى بلطجية وخطرين بجد علشان الحكومة ما تقدرش تقرب ممنا
2- نركب الموجة ونروح التحرير ونعمل فيها ثورجية وشهداء النظام الظالم فى البلد
3- نطاطى رأسنا ونقول اسفين ونفضل طول عمرنا نبوس جزمتهم وناخد على دماغنا
4-ولا ناخد حقنا بالقانون اللى هو لعبتهم؟ما حش فاهم حاجة ويقولوا لنا التغيير طلع التغيير للاسوأ.ولا انتم نسيتوا خالد سعيد وسيد بلال؟؟؟؟؟؟؟؟؟؟؟؟؟(والله كان نفسي اعيش فى بلدى رجل محترم)"

بحسب المنشور على المجموعة المتابعة للقضية فإن "بداية الحكاية ان فى حملة من المباحث جاءت لمنزل( على )الساعة2.30ص للبحث عن سلاح وذخيرة، وبعد التفتيش اللى قلب البيت كله وتكسير الفرش وازعاج وارهاب امه واخته واخوه الصغيرالذى كان فى وقت امتحانات الاعدادية وطبعا لم يجدوا شيئا وخلصوا ومايشين( على) غلط وسأل الضابط مفيش اسفين على الازعاج فرد وقال له طيب هاتوه معاناه علشان نقول له احنا اسفين"
تم تعذيب الشاب في قسم الشرطة، الصورة له بعد تعرضه للتعذيب  

S C