الأحد، 15 نوفمبر، 2009

الجزيرة في تعريف الذي لا يعرف

الجزيرة ها تفضل طول عمرها جزيرة.
يعني الخبر المنشور النهاردة ده ف موقع قناة الجزيرة، بكل تجهيل لمن قام بالشغب.
"شغب بمرسيليا بعد مباراة مصر والجزائر"
من قام بالشغب؟ كل الوكالات اللي بتابع وبتفهم قالت مين؟

بعض الجزائريين في فرنسا ..بسيطة، مفيهاش حاجة تكسف!
لماذا لم تذكر الست هانم الجزيرة ذلك؟
وحتى في متن الخبر تقول ان من قام به شبان!
ايه يعني شبان ؟ من القمر مثلا؟

طب والفيديوهات ؟ والوكالات المحترمة والجرائد الفرنسية وحتى الجزائرية اللي نقلت الخبر كاملا.
ايه يا جزيرة يا قطقوطة: لسه التفاهة والحماقة مسيطرين؟
ربنا يشفيكوا.
يعني لو قلتوا الحقيقة مفيش جزائري محترم ها يزعل منكوا والله: لأن اكيد اللي حرق وضرب وكسر بعض الجزائريين موش الكل، بالعكس انتوا كده بتلبسوا التهمة لاي واحد هناك قطري بقى ولا عربي ولا مسلم!

ولا انتوا هدفكوا ف الحياة تغظيوا حد تاني؟
لا اطمنوا احنا بتعرف الاخبار دلوقتي من مصادر اكثر مهنية شوية من قناة شرايط صدام والاخ سمسم - اسامة بن لادن سابقا
وموش ناسيين انكوا كذبتوا برضه لما قلتوا ان مصر موش اول فريق يفوز على ايطاليا.

فاكرين؟
احنا فاكرينها وشايلينهالكوا.
عليكوا لعنة الكذب والزور ايها الهطل.

S C