English version:
ده نموذج لتخاذل وإهمال جسيم من مؤسسات حكومية مصرية في أداء عملها بما أعاق وصول أسرة لمعلومة تخص اختفاء ابنهم بالخارج منذ عام 2000، وبسبب المؤسسات دي: في جثمان مصري فضل مدفون 18 سنة في مقابر المجهولين بره بلده.
ده نموذج لتخاذل وإهمال جسيم من مؤسسات حكومية مصرية في أداء عملها بما أعاق وصول أسرة لمعلومة تخص اختفاء ابنهم بالخارج منذ عام 2000، وبسبب المؤسسات دي: في جثمان مصري فضل مدفون 18 سنة في مقابر المجهولين بره بلده.
في بداية 2000 كانت آخر مكالمة من المواطن المصري المقيم في نيويورك "عبد الخالق صابر" لأهله في القاهرة، مصر. انقطعت اتصالاته وبدأت الأسرة تبعت للخارجية، وتدي آخر عنوان إقامة وأسماء أصدقاء هناك وأرقام هواتفهم، واسم محاميه وعنوان وتليفون مكتبه هناك. الخارجية ردت في 2001 بعبارة سخيفة جدا، تبدأ طبعا انه مش متسجل في قوايمهم، وجمل شبه: المحامي مايعرفش ابنكم ده! والتليفونات دي خارج الخدمة! وماحدش في العناوين اللي انتوا باعتينها يعرف ابنكم...! (وده مش بس كذب صريح ومفضوح، ده رد واحد ما قامش من على مكتبه ولا رفع سماعة تليفون سواء في مصر ولا بره. عقلية موظف ماعندوش استعداد يشتغل وبيفضل يفبرك ردود ويسدد خانات عشان يشتري دماغه.) . لما شقيق المفقود راجع الخارجية كذا مرة، طلبوا شهادة تحركات المفقود، ولما راح المجمع رفضوا لإن لازم الشخص (المختفي) ياخدها بنفسه أو يعمل توكيل للأخ أو لمحامي!
قبل 2011 : الأسرة قدمت بلاغ ورا التاني للنائب العام ومجلس حقوق الانسان وموقع شكاوى وهموم وغيره، دون رد. أصدقاء المفقود بعتوا للأسرة وثائق تخصه بما فيها مراسلات من المحامي في 2002 وصلته على آخر عنوان ليه هناك. مصر حطت اسم المفقود على قوائم الانتربول كمختفي، وكتبوا معلومة عجيبة انه مختفي من 1998 مش 2000!! لأ وفيــــــن؟ في القاهرة عاصمة دولة مصر (اللي ف افريقيا دي)! مش ف أمريكا (هاندوشهم ليه؟ خلوه مختفي هنا وخلاص!) .. لو المعلومات اتكتبت صح بمكان وتاريخ اختفائه ووضعه وبياناته كمقيم دائم في أمريكا، كان ممكن يوصلوا لحاجة (الجانب الأمريكي طبعا) *.
لما اتعرفت على بهاء شقيق المفقود تقريبا نص 2005 ولحد الاسبوع اللي فات، شفت في أسرته حيرة وحزن حقيقي على أخوهم الكبير؛ ماكنوش عارفين عايش ولا ميت، مسجون؟ مات في حادثة؟ حد ضره هناك؟ تعبان ف مستشفى؟ فاقد الذاكرة؟ زعلان منهم ف حاجة؟ طب ماسألش علينا ليه؟ الوالد اتوفى 2006 وبعدين الوالدة 2011 واللي كانت حالتها الصحية سيئة جدا وبتسأل على ابنها لآخر لحظة.
في2017 عملت الأسرة بوستات جديدة على الفيس بوك، وراسلوا وبعتوا للخارجية وغيرها. عملوا مناشدة للنائب العام في مايو2017. في يناير 2018 اتواصلت مع مسؤول في ملف المفقودين ف أمريكا. وصلني بمسؤول تاني، وف نهاية أبريل كان مفروض يبقى في ملف مفقود لعبد الخالق ونبعت عينة من الحمض النووي لشقيق تتقارن لو في جثمان أو رفات محتمل تكون للشخص نفسه. مررت المراسلات دي على قنصلية مصر ف نيويورك (الايه ميل طبعا، لانهم حاطين حساب تويتر وفيسبوك غلط على موقعهم الجبار!) ومافيش رد برضه. وكان جوه رسالة منهم موبايل مسؤولة بالشرطة هناك، راحوا متصلين بيها يوم 2 مايو (بوليس وأمريكان بقى!) وقالوا لها ده رقمنا (لاندلاين). فهي مشكورة بعتت عشان الأسرة تتواصل مباشرة مع القنصلية. فالأسرة بعتوا للقنصلية تاااااني رقم موبايل وايه ميل الأسرة، لكن برضه ماحدش اتصل بيهم ولا بعت رسايل!
قبل 2011 : الأسرة قدمت بلاغ ورا التاني للنائب العام ومجلس حقوق الانسان وموقع شكاوى وهموم وغيره، دون رد. أصدقاء المفقود بعتوا للأسرة وثائق تخصه بما فيها مراسلات من المحامي في 2002 وصلته على آخر عنوان ليه هناك. مصر حطت اسم المفقود على قوائم الانتربول كمختفي، وكتبوا معلومة عجيبة انه مختفي من 1998 مش 2000!! لأ وفيــــــن؟ في القاهرة عاصمة دولة مصر (اللي ف افريقيا دي)! مش ف أمريكا (هاندوشهم ليه؟ خلوه مختفي هنا وخلاص!) .. لو المعلومات اتكتبت صح بمكان وتاريخ اختفائه ووضعه وبياناته كمقيم دائم في أمريكا، كان ممكن يوصلوا لحاجة (الجانب الأمريكي طبعا) *.
لما اتعرفت على بهاء شقيق المفقود تقريبا نص 2005 ولحد الاسبوع اللي فات، شفت في أسرته حيرة وحزن حقيقي على أخوهم الكبير؛ ماكنوش عارفين عايش ولا ميت، مسجون؟ مات في حادثة؟ حد ضره هناك؟ تعبان ف مستشفى؟ فاقد الذاكرة؟ زعلان منهم ف حاجة؟ طب ماسألش علينا ليه؟ الوالد اتوفى 2006 وبعدين الوالدة 2011 واللي كانت حالتها الصحية سيئة جدا وبتسأل على ابنها لآخر لحظة.
في2017 عملت الأسرة بوستات جديدة على الفيس بوك، وراسلوا وبعتوا للخارجية وغيرها. عملوا مناشدة للنائب العام في مايو2017. في يناير 2018 اتواصلت مع مسؤول في ملف المفقودين ف أمريكا. وصلني بمسؤول تاني، وف نهاية أبريل كان مفروض يبقى في ملف مفقود لعبد الخالق ونبعت عينة من الحمض النووي لشقيق تتقارن لو في جثمان أو رفات محتمل تكون للشخص نفسه. مررت المراسلات دي على قنصلية مصر ف نيويورك (الايه ميل طبعا، لانهم حاطين حساب تويتر وفيسبوك غلط على موقعهم الجبار!) ومافيش رد برضه. وكان جوه رسالة منهم موبايل مسؤولة بالشرطة هناك، راحوا متصلين بيها يوم 2 مايو (بوليس وأمريكان بقى!) وقالوا لها ده رقمنا (لاندلاين). فهي مشكورة بعتت عشان الأسرة تتواصل مباشرة مع القنصلية. فالأسرة بعتوا للقنصلية تاااااني رقم موبايل وايه ميل الأسرة، لكن برضه ماحدش اتصل بيهم ولا بعت رسايل!
بالصدفة بادور في قضايا مفقودين شغالة عليها، لقيت اسم المرحوم عبد الخالق في قاعدة بيانات خاصة بجثامين المتوفين غير المعلوم ذويهم. برقم الملف وبعض البيانات عرفت ان الجثمان اتعرف اسمه في يوليو 2017 ، واتحدث ملفه في أغسطس 2017. على قد ما كان الخبر صعب عليهم بس كان في نوع من الـ closure للأسرة. في معلومات graphic وحساسة زي حالة الجثة وصور post-mortem وخلافه متاحة بحدود للمعنيين فقط طالما اتعرف الاسم خلاص. اتواصلت مع نائب مدير الطب الشرعي ف نيويورك، والحقيقة الناس كانوا محترمين ومهنيين جدا، وردوا واتصلوا بنفسهم بالأسرة، بعدها إدوني معلومات أوصلها للأسرة عن ظروف الوفاة، وطلعوا مبلغين السفارة والقنصلية المصرية الهمامة ف نيويورك منذ أغسطس 2017 ! الشرطة (الأمريكية) برضه وعدت تبلغ الاسرة أو محاميها بما يخص ملابسات الوفاة حتى تاريخه وكله رسميا وباجراءات متعارف عليها ومرعية وبمهنية.
عبدالخالق مات ولقوا جثمانه ف مارس 2000....في تقنية جديدة بتستخدمها مؤخرا الإف بي آي قدروا يحسنوا بيها صورة البصمة اللي اتاخدت من الجثة وقتها، لما استخدموها وصلوا لملفه، لما بعتنا لهم أرقام هويات تخصه، عزوا الأسرة بنفسهم، وبلغوني اعتذارهم "إن الأسرة عرفوا الوفاة من الانترنت" مش من شخص بصورة مباشرة ولائقة، وأكدوا تاني إنهم بعتوا للقنصلية ف أغسطس 2017 وانهم دوروا بنفسهم على أسماء مشابهة على الفيسبوك وماكنش في حاجة تانية عمليا يقدروا يعملوها.. آدي المهنية واحترام الناس.
كان ممكن الجثمان بتعرف بتاع مين من سنين فاتت، حتى لو اضطروا يستخدموا تقنية البحث ومضاهاة الـDNA ، المكلفة واللي بتاخد وقت، بس طبعا موظف متخاذل أو غافل بقوانين البلد اللي بيشتغل فيها أو بالعلم، أو متعالي على أسرة بسيطة بتدور على ابنها، أو مش عاوز يدوش الأجانب المحترمين بحتة مواطن مصري، اتسببوا ان الجثمان يتدفن في مقابر مجهولين 18 سنة، وأب وأم يموتوا من غير ما ياخدوا عزا ابنهم أو يرتاح قلبهم بالتسليم بالقدر وإنه قابل وجه رب كريم.
عبدالخالق مات ولقوا جثمانه ف مارس 2000....في تقنية جديدة بتستخدمها مؤخرا الإف بي آي قدروا يحسنوا بيها صورة البصمة اللي اتاخدت من الجثة وقتها، لما استخدموها وصلوا لملفه، لما بعتنا لهم أرقام هويات تخصه، عزوا الأسرة بنفسهم، وبلغوني اعتذارهم "إن الأسرة عرفوا الوفاة من الانترنت" مش من شخص بصورة مباشرة ولائقة، وأكدوا تاني إنهم بعتوا للقنصلية ف أغسطس 2017 وانهم دوروا بنفسهم على أسماء مشابهة على الفيسبوك وماكنش في حاجة تانية عمليا يقدروا يعملوها.. آدي المهنية واحترام الناس.
كان ممكن الجثمان بتعرف بتاع مين من سنين فاتت، حتى لو اضطروا يستخدموا تقنية البحث ومضاهاة الـDNA ، المكلفة واللي بتاخد وقت، بس طبعا موظف متخاذل أو غافل بقوانين البلد اللي بيشتغل فيها أو بالعلم، أو متعالي على أسرة بسيطة بتدور على ابنها، أو مش عاوز يدوش الأجانب المحترمين بحتة مواطن مصري، اتسببوا ان الجثمان يتدفن في مقابر مجهولين 18 سنة، وأب وأم يموتوا من غير ما ياخدوا عزا ابنهم أو يرتاح قلبهم بالتسليم بالقدر وإنه قابل وجه رب كريم.
ع الهامش كده: لما حد بيختفي ف أمريكا (أيّا كان جنسيته الأصلية وعرقه ودينه الخ): لو قلقان عليه؛ فبتطلب م الشرطة تتطمن عليه في العنوان الفلاني welfare check، لو اختفى فبتتصل بيهم تبلغ انه مختفي وتديهم معلومات أساسية: الاسم والمدينة الأخيرة اللي كان فيها الخ ، بيبعتوا لك حد يكمل المعلومات ويحقق ويتحط الاسم في قوائم المفقودين (في شبكات منظمة جدا ومواقع حكومية ). السفارة والقنصلية المصرية ما عملتش الإجراء ده مع انه سهل ومهم، مجرد بلاغ فلان مختفي وده رقم تسجيله كـ alien هنا ف ولاية كذا مذا، سنة كذا؛ لان لما بتلاقي جثث غير معلوم هوية أصحابها تقدر تقارن في سجلات المفقودين بالاسم والنوع والعرق والإثنية والسن والمدينة أو المنطقة الأخيرة والطول والوزن وعلامات (طبية وسجلات أسنان ).... الخ . والحقيقة في نشاط كبير في البحث عن المفقودين ومقارنة المتوفين مجهولي الهوية بيقوم بيه مش بس الجانب الحكومي لكن أفراد ومتطوعين ومؤسسات كتير ف أمريكا. وفي أدوات بحث اليكترونية كتير جدا بتسهل ده. في حاجات كتيرتتقال بس ده مش مجالها.. الـ FBI كمان كانت تقدر تتدخل في التحقيق والبحث من بدري. كمان وجود اسم حد مختفي او مطلوب البحث عنه على قوائم الانتربول كان ممكن تتقارن مع مساجين او مطلوبين او جثامين متوفين مجهولي الهوية لو كان تاريخ ومكان الاختفاء اتكتبوا صح، بدل المعلومة المضللة اللي اتحطت عن عبدالخالق من الشرطة المصرية..... كل ده ماحصلش لأنهم حرفيا: طنشوا ولخبطوا وعرقلوا أي إجراء مفيد.
بصورة عامة: الاستنطاع والتخاذل وعدم الكفاءة والتعالي على الغلابة والجهل والكسل حاجات بغيضة جدا، بالذات لما تبقى مواصفات موظفي حكومة ودولة؛ موظفي خدمة عامة، وكمان لما تقف في سكة هدف وحق إنساني بسيط لأسرة مكلومة.
You may contact Bahaa, the decedent's sibling, for more details and documents : Bahaa.saber@gmail.com
You may contact Bahaa, the decedent's sibling, for more details and documents : Bahaa.saber@gmail.com
