 |
| قنبلة غاز انتاج ١٩٨٧- تنتهي صلاحيتها ١٩٩١ - وتاثيرها الصحي يصبح اسوأ |
طالع ايضا :تحديث لاحقا :صور التحرير ثم جنود س المظلات مدخل ميدان التحرير #Tahrir #Jan25
http://kashfun.blogspot.com/2011/06/tahrir-jan25.html
http://kashfun.blogspot.com/2011/06/tahrir-jan25_3647.html
الفيديوهات -مجمعة :
http://kashfun.blogspot.com/2011/06/tahrir-jan25_3504.html
http://www.youtube.com/playlist?p=PL508A8982643F231C
معلومات سريعة عما حدث في التحرير:
- في قنابل غاز انتاج ١٩٨٧ . في قنابل انتاج اعوام مختلفة وتنتهي معظمها ٢٠٠٣. في القنابل الجديدة ودي بتطلع حاجات واصابتها كانها دبوس مفاجيء كده في الجسم، وعلي الساعة ٩ صباحا في ضابط وسخ بعد ما وقفنا ضرب وهم كمان وقفوا ضرب، وبغباوته اتقدم لوحده قام مسك واحد منا وهات ياضرب بالعصا المكهربة فاحنا اتكاترنا عليه، فالاغبى منه اللي وراه بتوع الامن المركزي لما لقوا الضابط بتاعم وقع قاموا ضاربين علينا غاز تاني بكثافة مهولة علينا فرجعنا والحمار ده معانا، وطبنجته راحت ورجع لوحده ( عاوزين بقى الداخلية تحاكمه على تضييع سلاحه الميري، شرفه يعني) . في طبيب واحد فقط في النقاط المتقدمة من المواجهة وخطوط التماس (بره الميدان يعني) في طبيبين او مسعفين في المسجد والممر اللي يفتح ع الميدان. وغالبا معظم الحالات بتستريح وترجع . الثوار شباب زي الفل الحمد لله، معظمهم اعمار شابة، وفي مصابين ومعاقين ومصابي الثورة وفي اشقاء واقارب للشهداء وفي شاب بيد واحدة كمان معانا (يده اليمني مبتورة) وبيواجهوا بكل حماس ولا اجدع حد. رجالة بجد يعني. في واحد شيخ ومعاه واحد ملتحي اجه يكلم الناس ترجع الميدان واحنا طنشناه وبعدين وقت وقف الضرب قال هاروح اكلم الامن ووصل فقام الامن ضارب فجري الجبان. الامن بيهدي من حتة ويضرب من حتة تانية. بالنسبة للمولوتوف ماكنش في لحد قبل الفجر كده وبعدين بقى فيه بس مش كتير. عادي يعني هو مش مولوتوف قوي . الازازة مابتولعش تلت دقايق علي بعض يعني وتنطفي. وفي ناس واخدة كام درع وعصيان امن مركزي. محدش معاه سلاح وتكسير الطوب شغال بس مش قوي. في بلطجية مع الامن المنركزي. الضرب شغال لحد ما سبت الميدان ١٠ تقريبا. انا بخير خدت خراطيش من القنابل الجديدة و لاحقا اغمن عليا من الغاز مرتين (ده تطمين لصحابي عشان ماكنش معايا بطارية مشحونة ولا في نت) وشكرا للدكتور اللي جرجرني، والان طرف الزميل احمد مفرح وسانقل الفديوهات بتاعة الصبح. وفي فيديوهات من موبايل متظاهر هارفعها بعدين لما اخدها منه ان شاء الله . اه في ولية كده هطلة عمالة تقول للناس كلام حلو عن الشرطة بس الناس بتهاتي معاها حبة وتطنشها. وفي موظفين بيعدوا على رجليهم عبر الميدان ولما بيشوفوا الطوب يقولوا ان الناس كانتعاملة كمين للشرطة (باعتبار احنا شايلين عبوات طوب معانا ف صندوق مخفي مثلا) . في عربيات اسعاف رجعت بعيد شوية والان عددها تقريبا ٧-٨ فقط وقبل كده كانت في مدخل الميدان مباشرة بين المجمع والجامعة. المسعفون والثوار (اللي همه من مناطق شعبية ) بينقلوا الجرحي بالموتوسكلان ومعظمعم برضه مصاب او بيتخنق بالغاز بس بيستريح دقايق ويرجع لخطوط المواجهة اللي مافيهاش غير طبيب واحد. في مصابين ف الجامع برضه. في بلطجية وسط الامن المركزي ووراهم بس دلوقت متراجعين جدا .الضرب بالقنابل علينا في نقاط التماس مباشرة بيكون بقنبل غاز او قنبل غاز الجديدة اللي ف اخرها لفافة زي مروحة الصاروخ. في قنبل انتاج امريكي واخرى انتاج صيني . الامن بيضرب طوب كتير وبعدين مولوتوف معتبر وبعيدين قنابل وفي شباب منا اتصاب كتير. اه علي عشرة الا ربع كده في باص ناقل جنود جيش عده من قلب الميدان جاي من الكورنيش ودخل علي باب اللوق. الرجالة تنزل تقف معانا بقي عشان هلكنا وهرمنا بجد.
