هام بخصوص حالة رضا عبد العزيز: مافيش معلومة مثبتة بأدلة ان عين رضا المصفاة قد "سرقت" وليس مجرد اهمال او تسرع في تصفيتها، مافيش دكتور من اللي شافوه بعد خروجه من الدمرداش قال الكلام ده لحد ما الحالة سافرت، واظن مش هايخبوا لو كانوا عرفوا حاجة زي دي من كمية الاشعة الي اتعملت للمريض، وماعندناش دليل على ان العين المستأصلة نقلت لغيره أوبغرض الاتجار.العين الزجاجية اللي اتركبت للحالة الاهل عارفين بوجودها، ووقعت العدسة مرة يوم لخميس او الجمعة 1 ديسمبر وراجعوا طبيبا وعملوا كمادات الخ، والشاب كان عارف ان في عين زجاجية مركبة له. بالنسبة لمستشفى الدمرداش في ملاحظة وادهشتني لما قابلت الحالة اول مرة انهم طلعوه تاني يوم على طول مع انه عامل جراحتين!.. الخلاصة : لو في تقرير عند الدكاترة الألمان بيثبت ان استئصال العين تم وهي "غير مدمرة،وقابلة للعلاج مثلا" ممكن نتكلم، غير كده اسفة جدا نقلت أمس عما وصلني ممن شاهدوا برنامج او تي في ولم يكن هناك حديث للطبيب الألماني او تقريرا يدعم فرضية سرقة العين المصفاة. بانتظار الامل في العملية التي اجريت للشاب وان كانت نسبة نجاحها 50% ويعلم أهله بهذا قبل سفره. لنتمسك بالأمل. شكرا.