تعالي كلي بطيخ – مرة أخرى عن النظافة في القاهرة
كنت بادور على حاجة للكمبويتر في الشارع اللي يدخل على باب اللوق، بالقاهرة، دخلت محل صغير فيه 3 رجالة وأمامهم بطيخ مقطع ومعاه حتت تلج، الحاجة اللي بادور عليها مش موجودة، بس قالوا لي تعالي كلي بطيخ ، كتر خيرهم، شكرتهم وطلعت لقيت الصورة دي، رجعت تاني سألتهم انتوا اللي راميين القشر ده جنب الرصيف ، - آه – ممكن تشيلوه لاقرب مقلب زبالة علشان كده مايصحش – صمت
يعني همه راكنين عربية بالشيء الفولاني وعندهم محل ومستخسرين يرموا الزبالة في مكانها الصحيح ؟ زي كده شوارع الزمالك زبالة وريحتها تقرف ، كلها عطن زي ما يكون صرف صحي راشح ف الحيطان من سنين، بس اللي فيها عندهم فلوس!
ياريت نتعلم النضافة والنظام بقى ، وشكرا
القذارة في شارع المشير عبد الحليم أبو غزالة - حي الشيخ زايد بالجيزة - مصر
القذارة قرب ميدان التحرير ومدخل جاردن سيتي