في تقرير طالع بيقول ان شهر يناير هو الاعلى في عدد ضحايا العنف في العراق للعام التالت على التوالي، وبيحدد نسب واماكن العمليات الارهابية والمستهدفين ، وفي طبعا اسباب زي مواسم الحج بالنسبة للشيعة(في زيادة في ديسمبر وفي يونيو مع تغير التقويم الهجري سنويا) المهم يعني انا قعدت اقرا الجداول الاحصائية وعادي خالص .. الاحساس اللي جالي ان تعليب الوفيات في ارقام ونسب رغم انه مفيد بالطبع للمراقبين لكن الاطلاع عليه لوهلة ممكن يجردك من تفاعلك مع الموضوع وتحس بحياد موش دايما مطلوب، مش عارفة اوصف بس حسيت بالذنب شوية بعدها ، او مثلا اني بقيت محايدة وده شيء مخجل.
بتهيألي العراقيين شافوا ما يكفي في حياتهم .. من حقهم يفرحوا شوية .. لما بيكون في ماتش ولا مناسبة حلوة وتطلع صور مبهجة باحس فرحتهم اضعاف مضاعفة .
مش عارفة ، بس الخلاصة اني اتضايقت طبعا من ارتفاع ضحايا عنف ، وطبعا من الطريقة اللي بيتعرض بيها الموضوع، وكمان من الطريقة اللي بقيت استقبل بيها اخبار العراق مؤخرا.
الصور اللي جت لي من العراق النهاردة معظمها كئيب كيفما اتفق بس لقيت دي حلوة ومبهجة شوية
عراقيين بيتفرجواعلى ماتش العراق مع اندونسيا
ولو فزنا - دي تصفيات اسيا ٢٠١٥ لسه - هانزل اغنية هذا ملعب
قولوا ان شالله !!